DAY 1

Papa ki gaali  hasi sun ke din ki shuruat huyi.

Hehehe,kya socha tha gaali milegi??Hmare dad is super cool gussaege to muh se ni chappal se pyaar ki varsha krege.Jaise bhi ho din toh shuru ho gya tha bhaiya.Bahut pressure tha ki aaj kuch toofani krna hai,jindagi badal deni hai.Toh badam ke chaar tukde khakar,lg gye kaam par.

Phir khayal aaya kyun na dastan-e-janhvi puri duniya sune to bana liya khatakat ek blog.Aakhir duniya ko bhi toh pta chle ki kitne tejaswi log hai hmare yha.First blog me likha,khoob likha(nahi itna bhi ni likha) aur uspe mile 5 comment,7 view.Agar ispe main ye kahu ki bada accha lga,kam se kam itne logo ne dekha to ye sadi ka sbse bada jhut hoga,kyuki mujhe bilkul khushi nhi mili.😒

Samay ki maakul barbadi krne ke baad,mujhe ye mehsus hua ki sona chahiye.Kyuki jo dimaag me chal rha tha wo saha ni ja rha tha aur sleep se better koi escape nhi hai.Sleep ko hindi me sona kehte hai.Kabhi kabhi lgta hai usne apna ye naam kuch jyada hi seriously le liya hai kyuki uske bhaav badh gye hai aur wo aasaani se aati nhi.Kisi tareeke se wo aa bhi jaaye to aapke phone ke notifications aapko sone ni dege.Kuch log kahege phone silent kar lo bhaiya.Arey,phone silent kar bhi le lekin mann ke kaano se jo dhwani sunayi deti hai usko kaise nazar andaaz kre.

Sbse jyada dimaag kharab whatsapp se ho rha hai.Agar college ke groups na hote to sbse pehle isi ko unistall karte(aur yha hmne badi chalaki se instagram ka ek meme chipka diya😂)

Thik hai finally aaraam se sone ke baad,jab uthe,toh socha thoda kuch kitchen me ho halla machaya jaaye.Bahut soch vichaar ke baad decide hua ki bread pizza bnate hai.10 bread pizza bnate bnate hme taj or oberoi hotel wale malik...ji nahi chef jaisi feeling aayi.

Ye sab krne ke baad raat me paise kmane ka bhoot chadha.Phir kya ek ameero ki scheme mere haath lgi,aur dekhte dekhte saari freelancing websites par khud ko register kar liya.Dekhte hai hmari kismat kab badlegi.

Beech-beech me insta-insta,snap-snap bhi khela aur iss tareeke se pura din bitaya.

Kya isme aapko kuch bhi constructive lga,agar ha to comment kriye,hausla badhega.Agar nahi lga tab bhi kro bhaiya positive criticism jaisi koi cheez hoti hai ki nahi.Ye bhi btana tumne kya kiya.